Frequently asked questions on how businesses can help - Afrikaans

Skenk noodsaaklike goedere aan behoeftiges

Ons werk in samewerking met die Suid-Afrikaanse Rooikruisvereniging om tydens die inperking noodsaaklike goedere aan behoeftiges te lewer. Stuur 'n e-pos na service@westerncape.gov.za indien jou besigheid 'n groot hoeveelheid items wil skenk. Jou skenking sal aangeteken word en na die regte rampreaksie-eenhede en/of die Suid-Afrikaanse Rooikruisvereniging aangestuur word.

Voedselprodukte wat benodig word:
boontjies; brood- en koekmeel; brood; wortels; kookolie; blikkiesvleis; kitskoffie; langlewemelk; mieliemeel; vrugtekonfyt; hawermout; uie; grondboontjiebotter; sardyne in tamatie; aartappels; rys; sout; stampmielies; gis; soppoeier; soja-maalvleis; pasta; suiker; suikerboontjies; tee en blikkieskos.

Nie-voedselitems wat benodig word:
seep, swartsakke, handontsmettingsmiddel, sanitêre doekies, tandepasta, tandeborsels, sjampoe, waspoeier, ontsmettingsmiddel vir huis en oppervlaktes, plastiekhandskoene, doeke, babakos, babamelkformule, uitslagroom, tandekry-middel, ontsmettingsmiddels (bv. Miltons), toiletpapier.

Skenk geld aan ons liefdadigheidsvennote

Jy kan geld direk aan ons liefdadigheidsvennote skenk:

Die Suid-Afrikaanse Rooikruisvereniging:

Islamitiese Noodlening Suid-Afrika

Mustadafin-organisasie

Suid-Afrikaanse Nasionale Zakah-organisasie

Gemeenskapskas:

Skenk geld aan die Solidariteit Fonds

Jy kan geld direk aan die Solidariteit Fonds skenk wat deur die nasionale regering daargestel is as 'n middel vir individue en organisasies om deur middel van veilige, belastingaftrekbare skenkings die regering se pogings direk te steun om die verspreiding van Covid-19 te keer.

Die Fonds sal aan die hoogste beginsels van korporatiewe bestuur voldoen en sal deur 'n onafhanklike direksie bestuur word. Daar sal oor alle aktiwiteite op 'n deursigtige manier verslag gelewer word.

Besoek www.solidarityfund.co.za vir meer inligting.

Skenk jou dienste of produkte

Stuur 'n e-pos na service@westerncape.gov.za as jou besigheid spesifieke dienste of produkte het wat jy glo ons sal help om die verspreiding van Covid-19 te keer.

Jou aanbod sal aangeteken word en na die korrekte rampreaksie-eenhede en/of die Suid-Afrikaanse Rooikruisvereniging vir evaluering aangestuur word. As die aanbod aan ons rampbestuursbehoeftes voldoen, sal ons kontak maak om dit verder te bespreek.