Zezitheni iinkonzo ezibalulekileyo?

Ezi nkonzo zilandelayo zithathwa njengezona zibaluleke kakhulu yaye ziya kuqhuba zisebenza zona ngexesha lokumiswa ngxi kwezinto:

  • Inkonzo zempilo (kuqukwa nenkonzo yezempilo ngokwasengqondweni), iinkonzo zaselebhu nezonyango, ndawonye neNational Institute ejongene neZifo eziSulelayo
  • Iinkonzo zolawulo lwentlekele, inkonzo yokuthintela imililo, ukulwa imililo neenkonzo zikaxakeka
  • Iinkonzo zemali ethi ifuneke ukukhawulelana nokusebenza kwenkqubo yebhanki nokwenziwa kweentlawulo, kuqukwa ne-JSE kunye nolwananiselwano/ tshintshiselwano lwemali ,  ndawonye neenkonzo ze-inshoresi nolawulo lweemedical scheme.
  • Ukuveliswa nokuthengiswa kweempahla ezingundoqo
  • Iivenkile ezithengisa igrosari, kuqukwa nezipaza shop
  • Umbane ( kuqukwa nolawulo lweenkonzo efunekayo neziphambili ), amanzi,  ukuveliswa kwegesi nefuweli, ukuhanjiswa nokulondolozwa kwazo. 
  • Imisebenzi ephambili yeenkonzo ezingunqondo zikarhulumente njengoko zimiselwe yiNtloko yeSizwe okanye ngamasebe ephondo zenziwa ngokuhambelana nesikhokelo seDPSA,  kuqukwa nezo zisebenza ngeentlawulo zesocial grant
  • iinkonzo ezijongene nokukhupha iziqinisekiso zokuzalwa nezokufa nokutshintshwa kweencwadi zeZazisi (ID documents)
  • Iinkonzo eziphambili zakwamasipala
  • Iinkonzo zononophelo nokunikwa kwabantu abadala isiqabu kwiingxaki zabo, abantu abanengxaki yesigulo ngokwasengqondweni, abantu abakhubazekileyo, abantu abagulayo nabantwana  
  • Ulawulo lwendalo yasendle, ukunqanda ukuzingela nokuloba ngokungekho mthethweni (anti-poaching) nokukhathalelwa kwezilwanyana kwaneenkonzo zevetenari
  • Iinkonzo zamaphephandaba, usasazondaba neenkonzo zonxibelelwano  
  • Imveliso nokuthengiswa kwayo nayiphi na ikhemikhali, iimveliso zococeko (hygiene), ezinyangayo (pharmaceuticals) ezilungele icandelo lezonyango okanye elithengisa amayeza
  • IiNkonzo zokucoca, ucoceko, ukuhanjiswa kwelindle, inkunkuma nokuthuntwa kwayo
  • Iinkonzo ezithathwa njengeziphambili njengokusebenza kweenkundla zamatyala, amagosa asenkundleni yomthetho, iNtloko yeNkudla ePhakamileyo, iiSherifu nabasebenzi bezomthetho ngabo abaya kusebenza 
  • Iinkonzo eziphambili zakwaSARS  ezo zichazwe nguMkomishinala wakwaSARS
  • Inkonzo zakwamapolisa, abagcinixolo, amagosa endlela, abasebenzi bezempilo bomkhosi wokhuselo namajoni, abeenkonzo zoluleko nolawulo lwezithuthi
  • Iinkonzo zeposi neze-courier eziphathelelene nokuthuthwa kweemveliso zamayeza
  • Iinkonzo zabucala zokhuselo
  • Iinkonzo zeAir-Traffic Navigation, iCivil Aviation Authority, ukuhanjiswa kwemithwalo ngeenqanawa neenkonzo zasedokisini 
  • Ulwembiwo migodi yegolide, ukucolwa kwayo, amalahle nezinye izimbiwa eziphambili
  • Iindawo zokuhlala ezilungiselelwe abantu abasebenza ngeenkonzo eziphambili, ikhwarantini, ukususwa kwabantu abosulelekileyo babekwe bodwa kwanabo bajongene nokumiswa ngxi kwezinto
  • Imveliso, ukuvelisa, ukusaplaya, ilojistikhi, uthutho, ukuhanjiswa kweempahla, ulondolozo oluphambili, ukulungiswa kwezinto ezihambisa iinkonzo ezingundoqo kuqukwa nezixhobo (iikhompenenti neekhwipmenti)
  • Iinkonzo zothutho lwabantu abafuna iinkonzo eziphambili nokuthuthwa kweempahla nokuhanjiswa kwezigulane
  • Iinkonzo ezenziwa luLawulo, aMalungu ePalamente, aMalungu eNdlu yoWisomthetho, aMalungu eeKhansile zoMmandla, iNkundla yomthetho nabanyangi besiNtu, abantu abasezikhundleni zemibutho yopolito yeSizwe neyePhondo abangabameli ePalamente  
  • Abakomishinala abajongene neKomishini yamaLungelo oLuntu yoMzantsi Afrika, uMkomishinala wezeSini, noMkomishinala wokuKhuthazwa nokuKhuselwa kwamaLungelo eNkcubeko, ezeNkolo nezoLwimi, kunye noMkhuseli woLuntu
  • Uthutho nelojistikhi ngokuphathelele neempahla eziphambili ezithunyelwa kumazwe angaphandle
  • Ii-Tow trucks nezithuthi zokutsala/zokurhuqa ezinye 
  • Ii-Call centre ekufuneka zibonelele ngeenkonzo yoncedo yezempilo, ukhuseleko, inkxaso karhulumente, neenkonzo zemali 
  • Ukuvuna nokugcinwa kokutya kubalulekile ukuthintela inkcitho yezilimo eziphambili kwezolimo
  • Ukwenziwa kwe-payroll system kangangokuba akukhange kuchaphazeleke ngethuba lokumiswa ngxi kwezinto, ukuqinisekisa ukuba iintlawulo zabasebenzi zenzeka kwangethuba 
  • Iinkonzo zolondolozo ezingundoqo ezingenarhoxiswa isithuba esingangeentsuku ezingama-21 eziya kuba phambili naxa sekuqaliswa ukusetyenzwa ngokwesiqhelo lakuphela ixesha lokumiswa ngxi kwezinto

Zeziphi iimpahla ezibalulekileyo?

Iimpahla eziya kuveliswa zize zithengiswe ngexesha lokumiswa ngxi kwezinto zezi:

Ukutya

  • Naziphi iimveliso zokutya, kuqukwa iziselo ezingena-alkhoholi
  • Ukutya kwezilwanyana
  • Iikhemikhali, imveliso eyongezelelweyo elungiselelwe ukuhanjiswa ezisetyenziswa xa kusenziwa nayiphi na imveliso yokutya 

Iimveliso zokuCoca nezoCoceko (hygiene) 

  • Itoilt paper, iisanitary pads, isanitary tampons, iikhondom 
  • iHand sanitiser, izibulali zintsholongwane, isepha, ialkhoholi, iimveliso zokucoca indlu nezixhobo ozisebenzisa qho  
  • Iikhemikhali, imveliso ezongezelelweyo elungiselelwe ukuhanjiswa ezisetyenziswa xa kusenziwa nayiphi na imveliso yayo nayiphi into kwezi zingasentla
  • Iimveliso zokuhlamba nokunonophela iintsana nabantwana 
  • Izinto zokuhlamba, kuqukwa ezasentloko, ezomzimba nezobuso nezobuso, nee-roll on, iidiyodorenti  nentlama yamazinyo

Ezonyango

  • Izinto zokunyanga nezesibhedlele, izixhobo zokuzikhusela
  • Iikhemikhali, imveliso ezongezelelweyo elungiselelwe ukuhanjiswa ezisetyenziswa xa kusenziwa nayiphi na imveliso yayo nayiphi into kwezi zingasentla

IFuweli, kuqukwa amalahle negesi 

Iimpahla ezingundoqo, kuqukwa i-aiirtime nombane